Diñg Pituñg Luñgcut nañg Maria
1. Yñg Ula nañg Simeon
O Induñg Virgen, aldo-aldo maracal a tatarac a puñial qñg pusu mi, panalañgin mu cami na apibata mi la diñg punyal anti nuñg macananu muñg penalañgin qñg Guinu na apibata mu yñg saquit nitañg puñial a sinugat qñg pusu mu.
O Guinu, ituru mu camiñg mibata cariñg sugat mi nuñg macananuñg pibata mula riñg quecañg sugat.
2.Yñg Paniplad Papunta Ehipto
O Virgen, iñiañg beñgiñg tinacas cau niñg Sagrada Familia papunta Ehipto,
O Guinu ituru mu sana na pag misan daratañg yñg capagsubucan misan gulutan ya at dapat paratiñg maniauad casaupan queca at yñg pamigulut qñg capagsubucan eya queinan nune paralan bang canita macaisip masalese. Ituru murin sana quecami yñg e lalaban cariñg quequeñg casalañg anti iniañg eca binulad cariñg pamiyarap mu cariñg menusga queca.
3. Yñg Pañgawala nañg Jesus
O Virgen Maria, ipanalañgin mu cami na sana balang miuauale cami qñg Dios mabibiasa cami ring mibabalik at bala sanang panintunan yu cami idala yu cami qñg cayapan.
O Jesus, ituru mu camiñg "gauan yñg caburian niñg Ibpa."
4. Yñg Pamisalubung nañg Hesus at Maria qñg dalan papunta Calvario
O Indung Maria, icami rin maglacbe cami qñg Calvario mamusan cruz a mabaiat, salubuñgan mu cami naman sana bañg añggañg ditac mabauas yñg quequeñg cabaiatnan. Ipanalañgin mi la naman detañg meñgabatbat qñg pamaglacbe, saupan mula at asaupan mila naman sana.
O cayumuyuan a Jesus, ituru mu sana quecami na reñg cruz mi ela puru pasaquit nune pamaminu para magui kamiñg carapatdapat maglacbe papunta queca.
(mawawala la reng kasunud panintunan ku la pa)
-King ca-17 Domingo kaibat ing Pentecostes
